缺少參加社會事務嘅IT人之怪異行為和思想

 缺少參加社會事務嘅IT人之怪異行為和思想

因為香港IT人好少參與社會事務，好多人幾十歲人都無做過下義工，無參加過NGO。但香港IT人又係上網比較多嘅群體，正正係呢種組合會產生左好多怪異思想：

1. 佢地認為NGO必定要無錢賺，乃至無任何錢銀動作，否則就係呃人錢

香港IT人無參與過NGO嘅為多，佢地對NGO運作根本上就係一知半解，佢地幻想左好多佢地對NGO嘅期望，而香港人好鐘意道德高地，講正少少係鐘意絕對嘅道德高地，入聖人mode。所以任何NGO只要有收會費又或者賣下野就會俾佢地定義為貪錢，佢地更加接受唔到NGO啲人有糧出，但同一時間如果有人叫佢地做下義工，佢地就會話無糧出唔做，什至乎話你係騙子。

2. 佢地幻想左個聖人出黎，經常性

佢地認為如果你只要做一啲帶有少少神聖嘅野，你本身必須是一個完美無瑕嘅聖人，否則你就係借聖人之名呃人，又者或會覺得你係到扮聖人。呢種思想導致佢地內心會經常找你一啲錯處，去嘗試證明你唔係聖人，證明到本身會好high， 可以下一個定論你就係X人。佢地成個邏輯係好簡單，但呢個世界上邊有聖人。只要你唔係聖人，唔單止你做義工係呃人，你叫人做義工就係呃上呃。

3. 佢地係堅定嘅懷疑論者。如果佢地懷疑你，令到其它人又懷疑你，最終搞死左件事，佢地會覺得唔需要負責任。因為懷疑你天生嘅權利，同埋永遠係因為你交代表得清楚，所以佢地懷疑你，什至乎懷疑到你頂唔順自殺死左，佢地一啲責任都無。所以香港社會長久以來做好事都真係唔敢太大聲，大家都無乜好人可以做