香港IT人同老屎忽相處之道

香港IT技術人員與老屎忽相處之道

1. 老屎忽變你要跟住變，否則就係你變
2. 老屎忽點你做野係益左你
3. 老屎忽認定某一種技術係掂，你千其唔好提其它技術
4. 老屎忽叫一個PM黎管你, 代表佢想日日屌鳩你
5. 老屎忽開會必提出一啲對公司有利嘅建議，大家只可以和議唔可以俾意見
6. 老屎忽話某一個product柒，你千其唔好話試下，老屎忽會覺得你挑戰佢
7. 千其唔好同老屎忽嘅朋友太熟，否則會屈你想過底
8. 老屎忽轉工，你一定要立即屌柒佢舊公司以示忠誠
9. 老屎忽叫你係甘易補返個email俾佢，你一定要寫夠兩三頁以表示對單野好上心
10. 老屎忽叫你不如請兩日假休息下，你千其唔好去請
11. 老屎忽steve jobs上身，你把口一定要認同哂佢所講嘅每一樣野，當佢問你意見嘅時間，你一定要話你唔識都係等佢話事
12. 老屎忽最叻安排人手，你唔好插嘴，佢地雖然唔識寫code但唔知點解佢地會有好多開發經驗，踢爆必招殺身之禍
13. 老屎忽叫你倍佢食個下午茶，你要話唔好除非你俾錢
14. 老屎忽話自己有十九幾年經驗，你唔好反問嗰十九幾年經驗係乜，佢地以為你唔服佢想挑戰佢
15. 老屎忽通常把口成日話打柒另一個老屎忽，佢叫時你跟住叫，唔洗驚真係會被人打柒，因為老屎忽根本唔敢同其它好屎忽鬥，佢地叫完就會覺得自己贏左，所以跟住叫係無風險嘅，唔跟叫後果等同叛國
16. 老屎忽叫你慢慢做，姐係叫你立即交
17. 老屎忽一定會話你以前嘅經驗無撚用，潛台詞係你未識佢時所有野根本就無撚用，唔好同佢爭吵呢樣野
18. 老屎忽話佢他日登基稱帝時會俾幾多好野你,  記住講多謝，切記唔好問幾時有，唔好笑
19. 老屎忽話佢地識邊個都好，唔好追問"係咪真係識㗎"，否則仆街
20. 老屎忽話有個寫Code勁人想介紹入公司，你唔好追問有幾勁
21. 老屎忽永遠唔容許coder管coder，佢地一定要安插N層零Code管理層係所有coder上面